செந்நிற மேனியாள் பச்சை பட்டுடுத்தி
நெற்றியில் கதிரவனை திலகமிடும் நேரம்
தோள்தனில் அமர்ந்து காதல் பேசி
கலைகின்ற வெண்மேகங்களும்
சர சர சப்தங்களுடன் இறந்து சரியும்
சருகுகளின் ஸ்பரிஷமும்
ஆயிரம் கிளைகள் கொண்டாலும்
அமைதியாய் பறவை இசை கேக்கும் மரங்களும்
அதிகாலை பனி படர காத்திருக்கும் இலைகளும்
கண்ணுக்கும் தெரியாமல் கைகள் இல்லாமலும்
முடிக்கற்றை கலைக்கும் இளங்காற்றும்
மறைத்திருந்த விண்மீன்கள் விழித்துக்கொள்ள
கிழக்கு நோக்கி பயணிக்கும் கதிரவனும்
என் சுவாச பையில் உரிமையுடன்
வாசம் செய்யும் காட்டுப்பூக்களின் நறுமணம் மிகுந்த
அத்துமீறல்களும் ,கன்னக்குழி பள்ளங்கள்
இடரும் போது கைகொடுக்கும்
ஆலமர விழுதுகளும்
காணாமல் போகும் கானல் நீர் காலங்களில்
பல நிமிடம் எனை திறந்து
உனக்குள் மறைந்தேன் உனதழகில்
மலைமகளே .....
Posts
எத்தனை அழகாய் ரசனையாக மலைமகளின் அழகை சொல்லிருக்கீங்க கணேஷ்...வாழ்த்துகள் தோழா!!
ReplyDelete//கண்ணுக்கும் தெரியாமல் கைகள் இல்லாமலும்
முடிக்கற்றை கலைக்கும் இளங்காற்றும் //
இந்த வரிகளை மிகவும் ரசித்தேன்..
//உனக்குள் மறைந்தேன் உனதழகில்
மலைமகளே .....//
உண்மையில் இந்த வரிகள் என்னையும் மலைமகளின் அழகில் மறையத்தான் வைக்கிறது....
Good ......very good:))
ReplyDelete